Krevja meira í løn

Jákup Mørk

Síðani september mán­að í fjør hava Fel­ag­ið før­oyskir sjúkr­a­­røkt­ar­frøð­ing­ar og Fíggj­ar­málaráðið ver­ið í sam­ráðingum, men hó­ast ein­ir átta fundir eru hildn­ir mill­um partarnar, so ikki kom­ið á mál enn.
Eftir øllum at døma standa partarnir hampuliga langt frá hvørjum øðrum, tí í gjár vórðu boð send eftir sem­ing­s­monn­u­num, sum nú skulu hjálpa til í roynd­u­num at finna eina semju.
Terji Sigurðsson er sem­ings­mað­ur, men her og nú vil hann ikki tað heilt stóra um træt­una ella útlitini fyri at loysa hesa.
– Vit vórðu boðsendir mána­dagin, og vit hava havt ein fund saman við pørtunum. Her eru vit fyrst og fremst kunn­aðir um tilgongdina, sum hevur verið, á teimum fund­um, sum partarnir hava ver­ið á.
Týsdagin skuldu sátt­mál­a­part­ar­nir ætlandi útflýggjað sem­ings­stovninum alt tilfar og fund­ar­frásagnir, sum hava við sam­ráðingarnar at gera, og Terji Sigurðsson sigur, at teir seinni í vikuni taka støðu til, hvussu víðari verður farið fram í mál­i­num. Men hann vil einki siga um, hvørji útlitini fyri eini semju eru.
– Enn er alt ov tíðliga hjá mær at gera nakra meting um, hvussu útlitini eru fyri sem­ing, og eg fái heldur ikki sagt stór­vegis um, hvørji krøv skilja part­arnar. Men spurningur um løn og eftirløn eins og onn­ur sáttmálaviðurskifti eru tó partur av hesum, sigur Terji Sigurðsson.
Hann sigur víðari, at enn er eingin ar­beiðs­steð­g­ur fráboðaður, so tað er ikki neyðugt hjá sem­ing­s­stovni­num at brúka nakra freist um út­set­ing enn.