Kyndil bara eitt stig frá FM-finalunum

Kyndilskvinnur eru nú fimm stig og ein nógv betur málmun frammanfyri VB nú bert trý umfør resta í kappingini í hvonndeildini.

Kyndilskvinnur vunnu í dag ein tryggan 29-22 sigur á VB í høllini í Vági. Í steðginum var Kyndil so greitt á odda sum 19-11.

Marianna G. Eystberg gekk undan hjá Kyndli, og hon skoraði ikki færri enn 12 mál í dag. Turið Arge Samuelsen skoraði seks mál og Bára K. Hansen skoraði fimm mál.

Barbara K. Hjelm gjørdist toppskjútti hjá VB við sjey málum. Caroline Ladefoged skoraði seks mál fyri VB. 

Í høllini á Skála vann Stjørnan 30-19 (13-9) á botnliðnum, StÍF. Jansy Jacobsen gjørdist toppskjútti hjá Stjørnuni við níggju málum. Birna Mikkelsen gjørdist toppskjútti hjá StÍF við fimm málum.

2. páskadag møtast VÍF og Kyndil í Vestmanna. Tann dysturin byrjar klokkan 15. Hevði VB vunnið í dag hevði tann dysturin havt eitt munandi størri spenningsmoment.

Kyndil møtir VÍF í Vestmanna 2. páskadag. 5. apríl spælir Kyndil á heimavølli ímóti Neistanum, og sunnudagin 15. apríl spælir Kyndil á heimavølli ímóti Stjørnuni.

VB tekur ímóti Stjørnuni 2. páskadag. VB spælir á útivølli leygardagin 8. apríl ímóti StÍF. Leygardagin 14. apríl tekur VB ímóti VÍF á heimavølli.