Løgmanssetur í Sandavági

MARJUS DAM, Løgtingsmaður

Fyritreytirnar fyri at gera løg­manssetur í Hoyvík, sum onkur upprunaliga ætlaði, eru burtur. Tað skuldi kostað lítið og onki, men nú kostar tað tíggjutals milliónir. Ein­asta rætta er at leggja setrið í Sandavági, har setrið var í uml 300 ár

Tað skuldi kosta nærum onki. Nú skal eitt gamalt hús umvælast og broytast fyri einast 4-5 milliónir. Forn­­­minnissavnið skal flyt­ast annað stað fyri aðrar nógv­­­ar milliónir. Sum gongd­­­in tykist vera innan byggi­­virksemi av hesum slagi hjá tí almenna, skulu teir prísir, ið verða nevndir nú, helst faldast við 2 - 3 fyri at fáa endaligu upphæddina. Løgmanssetrið í Hoyvík fer helst at kosta einar10 milli­ónir krónur tá avtornar. Har­­afturat skal flytingin av fornminnissavninum roknast 15-20 mill.
Tað hevði verið rætt at kanna, hvat ein kundi fingið eitt løgmanssetur fyri í Sanda­vági.
"Grundarøki er relativt bí­ligt.
"Nóg mikið av øki er til.
"Staðurin er vakur og søgu­ligur.
"Onki er at ivast í, at hug­skotið at gera eitt løg­mans­­setur í Sandavági er eitt frambrot, har ein fær nak­að fyri pening­in. Tá bygda­­ráð­ið í Sanda­­vági hev­ur bjóð­að bygd­ina fram til setrið, tykist sera hugstoytt, at hug­skot­ið verð­ur tagt í hel, held­ur enn at til­boð­ið og møguleikarnir verða kannaðir nærri. Løg­mans­setrið lá í Sandavági í eini 300 ár, tá tað tók dagar at ferðast til Tinganes. At Løgmanssetrið aftur eig­ur at verða lagt í Sanda­vági, nú bert ½ tími er til Tinganes, man ongin ivi vera í. Og onki er heldur at ivast í, at har fæst mest løgmanssetur fyri peng­arnar.

Eg haldi, at løgmanssetrið skal leggjast í søguliga Sandavág  har tað hevur ligið í fleiri hundrað ár.