Tað er lívligt og undirhaldandi í Gundadali, har NSÍ vitjar HB.
Beinanvegin eftir steðgin varð Øssur Dalbúð skiftur inn í NSÍ álopið fyri Andy Olsen. Lítil løta var farin, tá ið Tróndur Vatnhamar stórbjargaði eftir roynd frá Jónhardi Frederiksberg.
Síðani hevur HB framt tvær útskiftingar. Hans á Lag fór av vøllinum, Fróði Benjaminsen varð fluttur aftur í miðverjuna, og Andrew av Fløtum varð settur inn í álopið.
Lítla løtu seinni varð Christian Høgni Jacobsen settur inn á HB miðvøllin í høgru fyri Pætur Jørgensen.
