Mánadagin 28. september klokkan 10:00 verður skipað fyri tíðindafundi í FSF-húsinum. Á tíðindafundinum fer Håkan Ericson, A-landsliðsvenjari hjá monnum at kunngera hópin til venjingardystin móti Danmark, sum verður í Herning mikudagin 7. oktober, og UEFA Nations League dystirnar á heimavølli ímóti Lettlandi og Andorra, sum verða 10. og 13. oktober.
Harafturat fer Hegga Samuelsen, hjálparvenjari hjá U21-landsliðnum, at kunngera hópin til EM-undankappingardystirnar móti Spania og Montenegro, sum verða ávikavist á Tórsvølli og á Svangaskarði 8. og 13. oktober.
FM1 sendir beinleiðis frá tíðindafundinum og hevur samrøður aftaná.
