- Arbeiðið at asfaltera Leitisveg er farið í gongd.
Tað siga tey í Vestmanna kommunu í dag.
Víst verður á, at Leitisvegur er illa farin og fór serliga illa síðsta summar, tá tung ferðsla koyrdi grót niðan í byrgingina.
Sagt verður, at ovasti partur av Leitisvegi er í ringast standi - frá rulliportrinum og oman um bæði svingini.
Tað er í fyrstu atløgu hesin parturin, sum verður asfalteraður, og hetta er eitt vegastrekki á einar 250 metrar.
- Eftir ætlan verður farið undir at bøta um ein part av Leitisvegi aftur í næsta ár, siga tey í Vestmanna kommunu
