Liðini hjá Jóhan á Plógv Hansen og Magnusi Árasyni, Skanderborg-Aarhus og Mors-Thy vóru í leiki í bestu donsku hondbóltsdeildini í kvøld.
Í Royal Stage Arena í Hillerød eydnaðist tað Jóhan og liðfeløgunum í Skanderborg-Aarhus at vinna ein tepran 34-33 sigur á Nordsjællandi.
Í steðginum var munurin eisini eitt mál. Tá var Skanderborg-Aarhus á odda 20-19.
Jóhan skoraði eitt mál og vann liðnum eitt brotskast.
Skanderborg-Aarhus hevur fýra stig fyri tríggjar dystir.
Magnus Árason og liðfelagarnir í Mors-Thy taptu í Skjern Bank Arena 32-35 fyri Skjern. Í steðginum var støðan javnleikur 17-17. Magnus var ikki millum málskjúttarnar í kvøld.
Mors-Thy hevur tvey stig fyri tríggjar dystir.
