Liverpool eru klárir til finaluna

Tríggir dystir hava verið í Premier League í kvøld. Liverpool vann heili 6-0 á Leeds, Burnley vann óvæntað 1-0 á Tottenham, meðan Crystal Palace vann greiðan sigur á útivølli.

Liverpool og Chelsea møtast í Liga Cup finaluni sunnudagin og bæði liðini eru væl fyri. Chelsea vann í gjár 2-0 á Lille í Champions League. Í dag vann Liverpool heili 6-0 á Leeds. Mohamed Salah, Sadio Mané, Joel Matip og til seinast Virgil van Dijk skoraðu málini. Tveir teir fyrstnevndu skoraðu tvey í part.

Liverpool var omaná frá byrjan og komu á odda við brotssparki aftaná eitt korter. Síðani hevði Liverpool tamarhald á dystunum. Størsta brølið kom, tá Joel Matip sendi bóltin í netið. Væl lýddi miðverjin rann allan vegin fram við og takkaði fyri álitið frá Mohamed Salah, ið spældi hann leysan.

Tottenham er í hørðum stríði um at røkka Champions League fótbólti, eftir at teir vunnu á Manchester City um vikuskiftið. Eitt sindur týpsikt Tottenham, so taptu teir í dag 1-0 á útivølli móti Burnley, ið nú hevur samband við Newcastle og niðurflytingarstrikuna.

Crystal Palace vann greiðan 4-1 sigur á Watford. Tað byrjar at síggja torført út hjá Norwich og Watford, eftir at bæði Newcastle og Burnley eru farin at vinna sær stig.