Málningurin, sum løgreglan í gjár ikki visti hvør átti, er nú komin aftur í rættar hendur.
Les eisini: Ránsmaður í Klaksvík hevði ókendan málning
Tað var í gjár, at løgreglan almannakunngjørdi mynd av einum málningi, sum tey ikki vistu, hvør átti.
Málningurin varð funnin í viðførinum hjá einum manni, sum fekk 10 mánaða fongsul fyri at hava sníkt seg inn til ein klaksvíking sunnunáttina at stjala.
Maðurin segði seg hava funnið málningin í Havn, men visti ikki hvar og tískil leitaði løgreglan eftir eigaranum
Og klokkan átta í gjárvøldið gjørdi eigarin so vart við seg hjá løgrgluni og greiddi frá, at hon hevði málað og eisini átti málningin.
Hann hevur hingið á eini skrivstovu í Havn og í næstum fær eigarin málningin útflýggjaðan frá politinum.
|
