Franski forsetin, Emmanuel Macron, sigur, at hann fer at senda trý jagaraflogfør til Póllands, sum skulu verða við til at verja pólskt loftrúm.
Hetta veit tíðindastovan, AFP, at siga í kvøld.
Avgerðin hjá forsetanum er tikin eftir, at Pólland skuldsetir Russland fyri at hava framt eitt dronuálop á pólskum landaøki.
- Eftir russisk dronuálop móti Póllandi havi eg tikið avgerð um at senda trý Rafale-jagaraflogfør at hjálpa til við at verja pólskt loftrúm.
Hetta skrivar Emmanuel Macron á X, fyrrverandi Twitter. Hann leggur aftrat, at flogførini eisini skulu verja sameind Nato-lond á leiðini.
Sambært AFP stendur franski forsetin við orð síni um, at Evropa fer ikki at geva eftir fyri russiskum hóttanum.
