Longu í øðrum umfarinum í bestu íslendsku hondbóltsdeildini upplivdu Allan Norðberg, Bjarni í Selvindi og liðfelagar teirra í Vali at tapa ein dyst.
Á heimavølli í høllini á Hlíðarenda í Reykjavík tapti Valur í kvøld 27-32 fyri FH. Í steðginum var FH greitt á odda 18-12,.
Valur hevur tvey stig fyri tveir dystir. Bjarni skoraði trý mál, og Allan skoraði eitt mál.
Sveinur Olafsson og liðfelagarnir í Afturelding vunnu á útivølli í Kóparvogi 29-26 á HK. Í fyrra hálvleiki sá einki út hjá Afturelding. Í steðginum var HK á odda 16-12. Men í seinna hálvleiki lá ræðið fyri hjá Afturelding.
Afturelding hevur fýra stig fyri tveir dystir. Sveinur skoraði eitt mál í kvøld. Hallur Arason er uttanfyri við skaða.
