Tað var Asfaltsverkið á Sundi, sum var málið hjá arbeiðarafeløgunum í verkfalli í morgun.
Georg F. Hansen, formaður í Føroya Arbeiðarafelag sigur, at talan er um verkfalsrakt arbeiði, sum er á virkinum, og tí skal tað steðgast.
Sum tað ljóðaði, so vóru teir um at seta maskinurnar í gongd á Asfaltsverkinum í morgun, men tær vórðu kortini steðgaðar.
Um so var, at teir vóru farnir at framleiða asfalt í morgun, so kundi tað verið eitt verri skil, tí sleppa teir ikki av við asfaltið, so kann tað harðna í maskinunum, og so var tað stórarbeiða at fáa tað úr aftur.
Tað var gott lag á verkfalsvaktunum í morgun, sum vóru eini 80 fólk í tali, um ikki fleiri.
Georg F. Hansen sigur, at tey standa har, so leingi tað er neyðugt.
Sambært útvarpinum, so er arbeiðið á virkinum steðgað og verður ikki tikið uppaftur so leingi, sum støðan er sum hon er.
##med2##
##med10##
##med3##
##med4##
##med5##
##med6##
##med7##
##med8##
##med9##
