Marita S. Dalsgaard er sett í starv sum fyrisitingarligur leiðari á Sydhavn Teater.
Hesum boðar hon frá á facebook-vanga sínum.
Har fegnast hon um møguleikan at gerast “wing-woman for enestående Mille Maria Dalsgaard på kunstneriske, kreative, innovative, sprudlende UNDERSKØNNE Sydhavn Teater”, sum hon tekur til.
Iscene.dk skrivar, at talan er um eitt nýtt starv á leikhúsinum.
Við iscene.dk sigur Mille Maria Dalsgaard:
Marita er drevet af stort engagement for scenekunst og forbinder i sin person det lokale med det internationale. Hun medbringer en bred erfaring fra nordatlantiske samarbejde, som taler direkte ind i Sydhavn Teaters ambitioner for flere nordiske og internationale samskabelsesprojekter. Jeg er overbevist om, at Marita med sine kvaliteter vil sætte fart på Sydhavn Teaters i forvejen rivende udvikling, og jeg glæder mig til parløbet. Det er et vigtigt skridt for teatret at få en administrativ leder, og med Marita har vi fået en stor kapacitet med ombord
Á heimasíðui sæst eisini, at leikhúsið hevur sent út tíðindaskriv, har m.a. verður sagt um Maritu, at hon hevur drúgvar royndir innan fyriskipan og umsiting, umframt listarliga menning, og at hon tí er ein fongur fyri leikhúsið. Listarligu royndirnar hevur hon úr Danmark, men serliga úr Føroyum, har hon virkað síðsta tíggjuáraskeiðið. Hennara úrslit hava ávirkað føroyskt mentanarlív, og tey kor, føroysk listafólk arbeiða undir. Tað er hugtakandi, hvussu hennara áhaldni hevur flutt listina og hugsanina um týdning av listini í samfelagnum, og fegnast tey á Sydhavn Teater um hesar dygdir, sum nú koma leikhúsinum til góða, stendur m.a. í tíðindaskrivinum.
Um Maritu verður m.a. sagt, at hon er útbúgvin á Skuespillerskolen við Odense Teater,og hevur umframt diplomútbúgving inan list- og mentanarleiðslu frá Scenekunstens Udviklingscenter í Odsherred í 2011.
Vit í Føroyum kenna Maritu sum forfólk í LISA, og eitt nú saman við manni sínum, Olaf Johannesen, hevur hon sett leikir upp í Føroyum við Leikhús SKIFT.
Hetta fyrstu fer ein føroyingur gerst leiðari á einum útlendskum sjónleikarhúsi, upplýsir Marita S. Dalsgaard.
Marita S. Dalsgaard byrjar í starvinum á Sydhavn Teater 1. Oktober 2022.
