Marnar DM-vinnari á 3000 metrum

Marnar Djurhuus av Morskranesi hevur vunnið kappingina 3000 metrar renning á DM stevnuni fyri ung í Skive

Kometin av Morskranesi, Marnar Djurhuus hevur aftur gjørt vart við seg. Hesaferð á stevnuni DM fyri ung.

Fyri løtu síðani gjørdist Marnar Djurhuus innandura danmarksmeistari fyri ung á teininum 3000 metrar renning.

Vinnaratíðin hjá Marnari var 8 minuttir og 49 sekund. 

Kappingin fer fram í Skive í Norðurjútlandi.