Tíðindaskriv:
Aftaná sera mennandi Masterclass, har ungu tónleikararnir eisini hava fingið nógvan íblástur, verður endabresturin ein konsert í Norðurlandahúsinum 18. oktober, kl. 16.
Nordic String Quartet hevur havt eitt sera krevjandi skeið fyri gávuríkar tónleikarar úr Musikkskúlanum við tí endamáli at menna tey ungu og geva íblástur, umframt at ríka limirnar í kvartettini. Skeiðið endar við felags konsert, har bæði tey ungu og kvartettin spæla tað, tey hava arbeitt við.
Kvartettin knýtir saman strúkarar úr fleiri norðurlondum - m.a. Heiðrun Petersen úr Føroyum, Mads Haugsted Hansen úr Danmark, Daniel Eklund úr Svøríki og Lea Emilie Brøndal úr Danmark. Á konsertini verður tónleikauppliving við Op. 127 fyri strúkarakvartett hjá Beethoven í sambandi við hansara 200 ára dag.
Um Nordic String Quartet
Nordic String Quartet var stovnað í 2019 við Kongeliga Akademiið í Keypmannahavn. Síðani hava tey vunnið hópin av viðurkenningum, m.a. Odd Fellow Music Prize, Léonie Sonning’s Telens Prize, Carl Nielsen og Anne Marie Carl-Nielsen’s talentpris. Teimum dámar serliga væl norðurlendsk tónaskøld, eitt nú Nielsen, Grieg og Sibelius umframt núlivandi tónaskøld.
