Summarið er hátíð fyri grilling og pylsueting hjá mongum. Tí kemur tað kanska illa við hjá onkrum, at Heilsufrøðiliga Starvsstovan nú afturkallar nakrar pylsur, seldar í føroyskum handlum.
Talan er um pylsur av merkinum Tican Fresh Meat, sum verður selt í handlunum hjá Coop, sum verða afturkallaðar, tí at metal-petti eru funnin í pylsunum.
Metal-pettini kunnu skaða munn, svølg og tarmskipan um tey vera etin við vøruni.
Talan er um vørurnar:
Gourmet Bunchpølser m/ krydder, 280 gram, framleiddar 3. juni og best fyri 1. juli. EAN-kotan er 5706549508254.
Gourmetpølser med gourmetbacon, 400 gram, framleiddar 3. juni og best fyri 1. juli. EAN-kotan er 5706549508278.
Gourmetpølser med cheddar og jalapenos, 400 gram. Framleiddar 1. og 3. juni og best fyri ávikavist 29. uni og 1. juli. EAN-kotan er 5706549508292.
Ráðini frá Heilsufrøðiligu Starvsstovuni eru at lata vøruna inn aftur, har hon er keypt ella tveita hana burtur.
