10. teinur av Tour de France er fyribils nevtraliseraður, og súkklararnir steðgaði.
Orsøkin er, at sjey mótmælisfólk hava sett seg á vegin har tað eru 36 kilometrar eftir á mál og forða súkklarunum. Tað upplýsir túrin á sínum egna livebloggi.
Tað eydnaðist Alberto Bettiol (EF), sum er einsamallur á odda, at koyra framvið mótmælisfólkunum gjøgnum ljósareyðan royk frá neyðblussum.
Hann varð síðani biðin um at steðga, og tað sama var galdandi fyri hinar 24 súkklararnar í útbrotinum aftan fyri hann.
Etapan heldur fram við somu tíðarmunum, tá vegurin aftur er ruddaður, upplýsir Tour de France.
/ritzau/
