Í løtuni verður skipanin royndarkoyrd, og tað verður optimalt samband um einar 2 til 3 vikur í øllum bussum.
– Hesi boð havi eg frá umsitingini hjá Tórshavnar kommunu, sigur Levi Mørk, býráðslimur.
– Hetta eri eg sjálvsagt sera fegin um, tí tað hevur verið ein long og drúgv prosess. Men nú er so komið á mál. Sjálvsagt verður skipanin betri og betri. Seinni verður eisni SMS og telji-skipan sett í Bussleiðina, sigur Levi Mørk.
– Nú er tað so upp til tann einstaka at brúka hesa skipan, men hon er so har, sigur Levi Mørk.
