Klokkan 14 í dag verður norðurlendskur portalur lanseraður í Norðurlandahúsinum. Portalurin er fyrst og fremst ætlaður ungum millum 10-14 ár Shamanir í Samalandi. Ræðuligar avrættingar í Svøríki. Jøklar í Noregi. Stórveldisdreymar í Danmark. Eksotiskur matur í Grønlandi. 6500 oyggjar í Álandi.
Gosfjøll í Íslandi. Óljuleiting í Føroyum...
Alt hetta finnur tú vitan um á nýggja webportalinum ?Norden før og nu?, sum DR
setir á stovn saman við Nordisk Ministerråd, og har Kringvarp Føroya eisini luttekur við føroyskum tilfari.
Portalurin er lagdur tilrættis fyrst og fremst fyri 10 - 14 ára gomul og inniheldur
sjónvarpsstubbar, stuttligar stuttfilmar, smærri greinar, fakta og spennandi sagnir
um Norðurlond. Alt er klárt at nýta í undirvísing ella sum íblástur og tilfar til
stílar og uppgávur.
?Tað hevur eydnast okkum at skapa eitt stað á alnótini, har børn og ung kunnu heinta vitan um Norðurlond. Tað er okkara vón, at skúlar í øllum Norðurlondum verða varir við, at her er einastandandi tilfar framleitt, klárt at nýta í undirvísingini?, sigur Halldor Ásgrímsson, aðalskrivari í Norðurlendska Ráðharraráðnum.?
Public service stovnarnir í teimum stóru Norðurlondunum hava framleitt ?Norden før
og nu? við eykatilfari frá kringvørpunum í sjálstýrandi økjunum. Portalurin verður
lanseraður í øllum norðurlondunum várið og summarið 2009.
?Norden før og nu? verður lanserað í Norðurlandahúsinum millum klokkan 14-16 í dag, og verður nógv gjørt burturúr. Skúlabørn fara at royna portalin, Ladyfire fer at spæla tónleik, ung úr Hóps fara at dansa.
Adressan á nýggja portalinum er www.dr.dk/norden
