– Nevndin í hevur gjørt av, at fyritøkan í størri mun enn nú skal leggja áherðslu á tænastur á føroyska marknaðinum, sum eru inntøkugevandi fyri Elektron, sigur nevndin í fráboðanini.
Hetta merkir Elektron sleppur menningarætlanunum uttanlands.
Í hesum sambandi vildi stjórin, Niels Christian Nolsøe, at verða loystur úr starvi.
Nevndin í Elektron hevur tikið hetta til eftirtektar og hevur tí í dag loyst Niels Christian Nolsøe úr starvi.
Kjartan Thomassen er settur sum fyribilsstjóri. Hann hevur verið tekniskur stjóri á Elektron og hevur verið ein av eigarunum og stjóri í Sam-Teld, sum Elektron keypti í 2007.
Súni Schwartz Jacobsen, nevndarformaður, sigur, at felagið skal skifta kós.
– Elektron fer nú at niðurlaga virksemið uttanlands.Ístaðin skal gongd setast á menningina innanlands.
