Tað var rættuligt skrædl, tá ið næstbesta liðið hjá NSÍ í gjár hevði vitjan av næstbesta liðnum hjá KÍ.
NSÍ skoraði fimm mál í 1. hálvleiki, og longu tá lítil hálvur tími var farin, var støðan 3-0. Kári Hansen setti hol á við góðum langskoti, Klæmint A. Olsen økti til 2-0 eftir frísparksinnlegg, og Jann Martin Mortensen, sum hevði lagt upp til annað málið, økti til 3-0 eftir kiksaða rangstøðufellu.
Pól Jóhannus Justinussen økti til 4-0 við langskoti, og Klæmint A. Olsen var púra leysur, tá ið hann skoraði til 5-0.
Tá ið tað restaði ein lítil løta staðfesti Klæmint A. Olsen stórsigurin. Harvið skoraði hann fyri triðju ferð og var tískil dagsins maður hjá NSÍ.
