Forlagið Sprotin hevur samstarv við stroymingtænastuna Mofibo um ljóðbøkur, og tað vil siga, at í stóra úrvalinum hjá Mofibo eru eisini føroyskar bøkur at lurta eftir.
Tá ið samstarvið byrjaði í fjør, legði Sprotin 60 bøkur inn í einum. Síðan eru fleiri bøkur lisnar inn og lagdar á Mofibo.
Tær seinastu bøkurnar, sum eru komnar á Mofibo, eru eitt nú Fáur fær tráðin heilt slættan hjá Sólrun Michelsen, yrkingasavnið eitt hjá Helga Rasmussen og Kóka Bjørn hjá Mikael Nemi.
Tað krevst hald á Mofibo fyri at lurta eftir føroysku bókunum.
