Tað merkir, at nunnurnar fara úr Føroyum, og at nýggjar nunnur ikki koma. Ella sagt við øðrum orðum, at Kleystrið Kerit verður niðurlagt.
Talan er um eitt søguligt vegamót, tí Fransiskanarasystrarnar hava verið í Føroyum síðani 1931, tá tær byrjaðu við kirkju, skúla og barnagarði hjá Klett í Bringsnargøtu í Havn. Stutt seinni varð katólska kirkjan bygd við Varðagøtu og eisini skúli og kleystur. Skúlin, sum á mannamunn hevur verið kallaður Nonnuskúlin, men sum enn hevur gamla navnið Sankta Frans skúli.
Umframt skúlan hava nunnurnar eisini havt barnagarð og vøggustovu. Í dag eiga Fransiskanarasystrarnar kleystrið Kerit og Sankta Josef Barnagarð, sum kommunan leigar frá teimum.
##med2##
Í tíðindaskrivi í morgun skriva systrarnar millum annað soleiðis:
– Tað er við sorgblídni, at vit hava valt at taka av fransiskanaraskipanina, sum vit hava havt so tætt tilknýti til. Tað hevur verið týdningarmikið fyri okkum. Kortini er samkoman fjølgað og hevur verið dúgliga vitjað av fólki og av føroyingum í okkara hjáveru síðan 1931.
##med3##
Tær siga, at fjarstøðan til landspartin í starvsøkinum er møtimikil, og tvørleikarnir við at fáa innferðarloyvi noyða okkum at taka torførar avgerðir.
– Vit mugu tí ásanna okkara vantandi orku at standa fyri felagsskapinum eftir 1. juni í 2024, skriva tær.
##med4##
At fransiskanaraskipanin verður tikin av hevur tó einki við katólsku meinigheitina og katólsku kirkjuna, Mariukirkjuna, at gera. Tann partur heldur fram.
– Tað er við sorg og trega, at vit boða tykkum frá avgerðini, sum er tikin av katólska biskupinum í Keypmannahavn og katólska felagsskapinum í Føroyum, siga tær í tíðindaskrivinum.
