Ørvur hjá Havnar Róðrarfelag er føroyameistari í kappingini millum 8-mannaførini. Ørvur vann ólavsøkuróðurin, og at Ørvur vann enn eitt FM heiti til Havnar Róðrarfelag, er staðfesting av, at talan er um framúr kappingarár hjá størsta róðrarfelagnum í landinum.
Ørvur og Heiðabáturin fingu góðan start, meðan Gullbrandur úr Fuglafirði, sum undan ólavsøkuróðrinum hevði møguleika at vinna FM, ikki var so stinnur í fyrstu tøkunum. Eftir startspurtin fótaði Gullbrandur sær smátt um smátt, og Gullbrandur var eina løtu við í kappingini um næstfremsta plássið.
Ørvur var fremstur mest sum allan teinin, men í endaspurtinum vísti tað seg, at Heiðabáturin hevði meiri orku enn undanfarnu ferðirnar, og guli báturin bjóðaði av álvara av í kappingini um fremsta plássið, sum tað tó eydnaðist sannførandi Ørvi at halda tørn um.
| 1 | Ørvur (HR) | 04:31.22 | +00.00 | 7 | ||
| 2 | Heiðabáturin (NSÍ) | 04:31.45 | +00.46 | 6 | ||
| 3 | Gullbrandur (ÍF) | 04:33.13 | +01.82 | 5 | ||
| 4 | Argjabáturin (AR) | 04:43.17 | +11.90 | 4 | ||
| 5 | Kvívíkingur (KSR) | 04:44.05 | +12.66 | 3 | ||
| 6 | Sørvingur (SR) | 04:46.47 | +15.50 | 2 | ||
| 7 | Gøtu Tróndur (TIND) | 04:54.25 | +23.06 | 1 | ||
| 8 | Nevið Reyða (KRF) | 05:00.15 | +28.86 | 0 | ||
| 9 | Tórsbáturin (HR) | 05:08.44 | +37.44 | 0 |
| 1 | Ørvur (HR) | 7 | 46 | ||
| 2 | Gullbrandur (ÍF) | 7 | 43 | ||
| 3 | Heiðabáturin (NSÍ) | 7 | 36 | ||
| 4 | Kvívíkingur (KSR) | 7 | 27 | ||
| 5 | Argjabáturin (AR) | 7 | 20 | ||
| 6 | Sørvingur (SR) | 7 | 12 | ||
| 7 | Gøtu Tróndur (TIND) | 7 | 12 | ||
| 8 | Tórsbáturin (HR) | 3 | 0 | ||
| 9 | Nevið Reyða (KRF) | 1 | 0 |
rsf.fo
