Ein ókend sjúka hevur tikið lívið av fleiri enn 50 fólkum í útnyrðingspartinum av Kongo.
Tað siga heilsustarvsfólk í landinum, eins og Heimsheilsustovnurin (WHO) ber somu søgu.
Í flestu førum hevur tíðin frá fyrstu sjúkueyðkennum til deyða verið einans 48 tímar.
- Hetta er órógvandi, sigur leiðarin fyri Bikoro-sjúkrahúsinum við tíðindastovuna, AP.
Higartil eru staðfestir 419 tilburðir av sjúkuni, sum breyt út í januar í ár, og 53 fólk eru deyð.
Sambært skrivstovuni hjá Heimsheilsustovninum í Afrika kom fyrsta útbrotið, eftir at trý børn høvdu etið eina flogmús.
Børnini doyðu eftir tveimum samdøgrum.
Eftir at seinna útbrotið byrjað í februar, eru royndir sendar til høvuðsstaðin í Kongo, Kinshasa, har royndirnar verða kannaðar.
Lagt verður aftrat, at í fjør tók eisini ein ókend sjúka lívið av 150 fólkum í einum øðrum parti av Kongo.
- Seinni varð mett, at sjúkan ta ferðina var eitt slag av malaria, vita útlendskir miðlar at siga í morgun.
