Teir sjey pólendingarnir, sum vórðu bjargaðir av seglbátinum í gjár hava nú fingið innivist á Hotel Føroyum.
Tað er Tórshavnar Kommuna, sum hevur boðið teimum innivist.
Tað er okkara skylda sum kommuna at taka okkum av fólkum, sum eru komin so illa fyri, og tí hava vit bjóðað teimum innivist á Hotel Føroyum, sigur Heðin Mortensen.
Fólk frá sløkkiliðnum í Havn tóku ímóti teimum, tá tey komu í land av Brimli um 11 tíðina og koyrdi tey niðan á Hotel Føroyar.
Myndirnar av bjargingini eru frá Brimli.
