Pauli Høj og liðfelagarnir í Bergsøy komu aftur á sigursslóðina í næstbestu donsku hondbóltsdeildini í dag.
Á heimavølli í REM Arena høllini í Fosnavåg vann Bergsøy 33-31 á Grenland. Í steðginum var útiliðið á odda 15-13.
Pauli stóð fyri einum góðum avriki. Hann skoraði fimm mál upp á fimm málroyndir, og hann legði eisini upp til eitt mál (assist).
Bergsøy er fremst í deildini við 18 stigum fyri 10 dystir. Í hølunum hava teir Viking TIF, ið eisini hevur 18 stig. Melhus hevur 16 stig á triðja plássinum.
Bergsøy skal spæla tríggjar dystir aftrat undan vetrarsteðginum. Komandi leygardag klokkan 15 spæla teir dyst á útivølli móti Charlottenlund.
