29 ára gamli, Dimitri Payet, hevur hetta seinasta árið havt eitt frálíkt ár. Í seinasta kappingarárinum var hann burturúr besti leikari á liðnum hjá West Ham í Premier League, og til EM-endaspælið í summar, var Payet millum mest eyðsýndu leikararnar á liðnum hjá Fraklandi.
Góðu avrikini seinasta árið, hava tí fingið fleiri stórfeløg at liggja framvið eftir franska kreatørinum.
Men sambært Dimitri Payet sjálvum, fer hann at vera verandi í West Ham komandi kappingarár.
- Eg havi hoyrt um áhugan, og eg eri sjálvandi freistaður. Men eg elski West Ham, og eg trívist ótrúliga væl í felagnum. Eg klári heldur ikki at bíða til vit skulu spæla á heimavølli á Olympiska leikvøllinum í London.
- So eg verið 100% sikkurt verandi í West Ham. Tað kann eg lova áskoðarunum.
Dimitri Payet spældi 30 dystir fyri West Ham í undanfarna kappingarárið. Í teimum 30 dystunum skeyt Payet 9 mál, og legði upp til 12 mál.
