Russiski forsetin, Vlademir Putin, heldur ikki árliga tíðindafundin um ársskiftið, boðar Kreml frá.
– Tað verður eingin tíðindafundur í ár, sigur talsmaðurin fyri Kreml, Dmitrij Peskov.
Í fjør tosaði Putin í fleiri tímar á einum tíðindafundi um ársskiftið.
Árligi tíðindafundurin er ein størri politisk hending í Russlandi, og russiski leiðari, sum hevur verið við valdið síðani 2000, hevur gjørt tíðindafundin til eina siðvenju. Hann varar vanliga í fleiri tímar, og tað verða settir spurningar bæði av journalistum og vanligum borgarum.
Peskov nevndi onga orsøk til avlýsingina av tíðindafundinum.
Putin sendi 24. februar russiskar herdeildir inn í Ukraina.
/ritzau/Reuters
