Á býráðsfundi fyrr í kvøld samtykti Tórshavnar Býráð, at málið um gamla Realskúlan skal viðgerast í Mentamálanevndini hjá býráðnum, skrivar heimasíðan hjá Tórshavnar kommunu. Annika Olsen, býráðslimur, hevði annars biðið um at fáa málið viðgjørt á býráðsfundi.
Undir viðgerðini í kvøld bað Hildur Eyðunsdóttir, formaður í Mentamálanevndini, um, at málið varð beint í Mentamálanevndina til víðari viðgerð.
Hesum tók býráðsfundurin undir við, og sostatt er Realskúlamálið nú komið í nevnd.
