Róðrarsamband Føroya skipar fyri róðrarfestivali fyri rógvarum sum skulu rógva í FM kappingini 2014.
Festivalurin verður hildin í Leguhúsinum í Nesvík 11.-12. Apríl.
Á skránni verður millum annað:
Krops venjing
Sálarlig venjing
Ráðgeving til róðursmenn
Kostráð
Fyrstahjálp
Doping
Undirhald o.a.
Endamálið er at menna stuttleikan og samanhaldið í kappróðrinum, samstundis sum rógvarir og róðursmenn fáa høvi til at møtast uttanfyri kappingar, og nema sær kunnleika í samband við kappróður.
Róðrarsamband Føroya vónar at rógvarir kring landið taka væl ímótið hesum frálíka tilboði, tí vit ynskja at koma nærri manningunum, og harvið standa saman um at uppbyggja okkara tjóðarítrótt.
Festivalurin byrjar kl. 18:00 fríggjakvøldið og endar leygarkvøldið kl. 18:00
