Hin 22 ára gamli Jákup Sverri Kass, sum tók sæti á tingi, tá Helena Dam á Neystabø gjørdist landsstýriskvinna, bað á tingfundinum í gjár um farloyvi vegna lestrarørindi uttanlands. Hann er at lesa løgfrøði og kemur aftur til jóla. Síðani skal hann lesa heimanífrá.
Helena Dam á Neystabø fekk á valinum 30. apríl í fjør 327 atkvøður, Jákup Sverri Kass fekk 66 og Ronald Poulsen, sum nú tekur sæti, fekk 64 atkvøður.
