Tað skrivar tíðindastovan Reuters út frá fráboðanum frá russiska borgaraverju- og neyðhjálparmálaráðnum á sosialu miðlunum týsdagin.
Hendingin fór fram í Ryazan-landslutinum í landinum.
Ráðið sigur, at í minsta lagi 25 fólk lótu lív í spreingingini.
Samstundis eru 158 fólk í løtuni fráboðað sum særd, og tað er eisini ein vøkstur frá teimum 134, sum vórðu fráboðað við skaða mánadagin.
Guvernørurin í Ryazan, Pavel Malkov, segði fríggjadagin, at spreingingin var elvd av eldi, sum kyknaði á einum verkstaði á verksmiðjuni. Orsøkin til eldsbrunan er ikki kunngjørd enn.
/Ritzau/
