Samgongur eru oftast borgarligar

Hóast løgmaður í samrøðu her á in.fo sigur, at politisku flokkarnir í Føroyum eiga at skipa seg í blokkar av sambandsflokkum og loysingarflokkum, so vísa hagtølini, at samgongur oftast verða skipaðar tvørtur um sambands/loysingar-markið og heldur eftir vinstra/høgraásanum.

Síðani vit fingu heimastýri í 1948,hava vit havt 22 samgongur. Av teimum hava borgarligar samgongur stýrt í 19 ár. Ein samanseting av borgarligari samgongu og vinstraflokkum, fyrst og fremst Javnaðarflokkinum, men eisini Tjóðveldinum, hava stýrt í 17 ár. Siðbundna heimastýrissamgongan millum fyrst og fremst Sambandsflokkin og Javnaðarflokkin hevur stýrt í 16 ár. Sjálvstýrissamgongur hava stýrt í 12 ár og vinstrasamgongur hava stýrt í seks ár.