Í økinum við Valtellina Alpine dalin í Italia eru tríggir skíðrennarar tiknir av einum skalvalopi. Tvey eru deyð orsakað av vanlukkuni.
Tvey onnur fólk hava latið lív í ymiskum skalvalopum í Trentino, upplýsir lokala bjargingartænastan, sambært tíðindastovuni NTB.
Vanlukkan hendi, tá heili fýra skíðrennarar gjørdu av at fara off-pist, skrivar italska blaðið Il Sole 24 Ore.
Í landnyrðinngspartinum av Italia í Aosta-dalinum vórðu tveir skíðrennarar eisini tiknir av einum skalvalopi, men teir sluppu úr undan kavanum á lívi.
Tað frættist, at tað var góða útgerð teirra, sum bjargaði teimum.
Vanlukkur við skalvalopi hendu eftir at Vetrar-OL júst er byrjað í Norðuritalia.
Vandin fyri skalvalopum er í løtuni stórur í italsku alpunum.
Hækkandi hitin verður sagdur at vera orsøkin til økta váðan.
Og vanlukkurnar fóru tí eisini fram á einum degi, tá skalvalopsávaringin í Bergamo-alpunum var sera høg við einum indeksi uppá trý á einum fimm stiga evropiskum skala.
Ein av teimum deyðu skal vera ein saknaður maður, sum gekk túr í fjøllunum, tá skalvurin leyp, skrivar Il Sole 24 Ore.
Roynt varð at bjarga honum við tyrlu, men hann doyði av løstunum stutt eftir, at hann varð fingin úr kavanum.
Svenska tíðindastovan TT skrivar, at tvey fólk afturat hava latið lív í skalvalopum fronsku megin markið til Italia nærhendis bygdini Saint-Véran.
Í vetur hava í minsta lagi 20 fólk latið lív í skalvalopum í alpulondunum, skrivar tíðindastovan.
/Ritzau/
