Men at steingja sendistovuna í London er als ikki eitt uttanríkispolitiskt stórmál, heldur løgmaður, sum á Facebook segði:
»Eingin stjórnarleiðari hevði blivið kallaður til fund í eini uttanlandsnevnd fyri at siga ein leigusáttmála upp«
So stríðið millum løgmann og Jákup Mikkelsen, formann í Uttanlandsnevndini (og Høgna Hoydal) stendur um, hvørt tað er eitt uttanríkispolitiskt stórmál at steingja eina sendistovu í einum heimsmetropoli, sum London.
Men tað harmar tó løgmann, at hann er noyddur at gera hetta. Á heimasíðuni hjá Løgmansskrivstovuni sigur hann, at »løgmansskrivstovan má, eins og øll onnur stjórnarráð, laga seg til fíggjarligu umstøðurnar. Rationaliseringar mugu tó fremjast, so tær darva sum minst, og eg vænti, at Sendistovan í Brússel framefti fer at røkja og menna okkara samskifti við Bretland og Írland á fullgóðan hátt«, sigur løgmaður..
So vit kunnu bara vóna, at tað verður, sum løgmaður roknar við – at tey fara at klára hetta so nøkulunda úr Brússel. Spurnurin er so, um Jákup Mikkelsen fer at geva løgmanni eina nøs – bara fyri at siga upp eitt dýrt leigumál í London...?
