Sjónleikarinnan Kelly Preston er deyð, 57 ára gomul. Deyðsorsøkin er bróstkrabbi.
Hetta váttar maður hennara, John Travolta, sum er kendur sjónleikari. Hann skrivar hetta á sosiala miðlinum, Instagram.
– Tað er við tungum hjarta, at eg má fortelja tykkum, at mín vakra kona, Kelly, hevur tapt dystin móti bróstkrabba, skrivar John Travolta.
Kelly Preston doyði um morgunin í gjár aftaná at hava verið sjúk í tvey ár.
Eftir standa maður hennara og børn teirra. Ein 20 ára gommul dóttir og ein 9-ára gamal sonur. Preston og Travolta høvdu harumframt ein annan son, sum doyði í 2009 sum 16 ára gamal.
Kelly Preston er kend fyri sínar leiklutir í filmum sum "SpaceCamp" frá 1986, "Jerry Maguire" frá 1996 og "For Love of the Game" frá 1999.
Kelly Preston varð fødd í Honolulu í Hawaii.
/ritzau/
