Jóhan á Plógv Hansen og liðfelagarnir í Skanderborg-Aarhus spældu í kvøld fyrsta dystin í bólki E í Champions League.
Á útivølli hevði Skanderborg-Aarhus eina sera torføra uppgávu móti katalanska stórliðnum, Barcelona.
Barcelona livdi upp til risastóru favorittstøðuna og vann dystin greitt 39-28. Í steðginum var Barcelona á odda 18-13.
Jóhan skoraði fimm mál upp á 10 málroyndir.
Í morgin klokkan 17.45 spæla Hákun West av Teigum og liðfelagarnir í Füchse Berlin dyst á útivølli í bólki A móti Porto. Klokkan 19.45 spæla Óli Mittún og liðfelagarnir í GOG dyst á útivølli í bólki D móti Sporting Lissabon.
