Restauratiónslógin er nokk so greið - ikki er loyvt at skeinkja gestum eftir miðnátt gerandisdagar. Tó so, tað var júst tað eitt skeinkistað í Havnini gjørdi í nátt.
Løgreglan fekk eina fráboðan klokkan hálvgum tvey í nátt, og tá teir komu á gátt kundu teir staðfesta, at enn varð skonkt á staðnum.
Vakthavandi á løgreglustøðini sigur, at eigarin tí hevur fingið eina bót og verður skuldsettur fyri brot á restauratiónslógina. Harumframt verður lógarbrotið fráboðað loyvisnevndini.
