Á hátíðarhaldinum greiddi Elisabeth M. Gaard, forkvinna í Føroya Skótaráði, frá ferðini til Kambodja, har Føroyar fingu sín limaskap við fullari undirtøku frá limalondunum í WAGGGS. Eisini hildu umboð fyri bæði KFUK-skótarnar og SSB-skótarnar røður.
Bæði yngri og eldri skótar úr øllum landinum vóru komnir saman til hugnaliga hátíðarhaldið.
Bárður á Lakjuni, landsstýrismaður í mentamálum, helt røðu, har hann ynskti føroysku skótarørsluni hjartaliga tillukku við limaskapinum.
Øll tit mongu, sum hava arbeitt fyri limaskapinum – skótafeløgini, nevndir, leiðarar og tit, sum hava umboðað Føroya Skótaráð í samskiftinum við WAGGGS – eiga tykkara lut í, at hetta hevur borið á mál.
Ein serlig tøkk eigur føroyska ferðalagið, sum fór ta longu leiðina til Kambodja at umboða Føroyar og leggja málið um føroyskan limaskap fram. Tit umboðaðu Føroyar á besta hátt og kunnu nú fegnast um úrslitið.
Tit hava víst, at føroyska skótarørslan er væl skipað, virkin og før fyri at taka ábyrgd í einum stórum altjóða felagsskapi.
##med2##
##med3##
##med4##
##med5##
##med6##
Øll røðan kann lesast her.
