Hægst styrkismetta liðið í okkara EM-bólki, innleiðandi bólki D, Slovenia vann týskvøldið ein trivaligan sigur í venjingardysti móti Kuwait á heimavølli.
Slovenia vann dystin 36-23. Í steðginum var Slovenia frammanfyri við seks málum, 17-11.
Danski serfrøðingurin í altjóða hondbólti, Rasmus Boysen skrivar, at vinstri bakkurin hjá Slovenia, Aleks Vlah mátti av vøllinum við einum skaða í knænum.
Nejc Cehte, Blaž Blagotinšek, Borut Mačkovšek, Miha Zarabec, Matic Grošelj, Tadej Kljun, Mitja Janc og Jaka Malus eru longu uttanfyri við skaðum. So tað er steinur omaná byrðu hjá Slovenia.
