Fyri tað fyrsta skal man leita leingi eftir slíkum frekleika, sum ein so ábyrgdarleys bankanevnd – sum tann síðsta í gamla Eik Banka – kann finna uppá. At tveita fleiri milliónir eftir tveimum bankastjórum, sum hava koyrt bankan á heysin, meðan onnur skulu stríðast við upptakið – og mong, mong onnur hava liðið stórt milliarda tap.
Men at fyrrverandi bankastjórin soleiðis stillar seg alment fram – dregur nýggja Eik Banka í rættin og forlangar at fáa hesar pengar – sum ein meira ábyrgdarfull leiðsla, sum skal endurreisa bankan – hevur tikið frá honum, tað er at fara um alt mark.
Um skomm var skapt í Bjarna Olsen og Marner Jacobsen, so stovnaðu teir persónliga ein grunn at savna pengar inn til at veita endurgjald til fólk, sum til dømis vórðu lokkað at konvertera barnauppsparingar til partabrøv í Eik Banka.
Heilt erligt Bjarni, hevur tú ikki verið ein nóg dýrur drongur?
