Soleiðis verður koppsett fyri koronu í heyst og í vetur

Nú skulu vit fyrireika okkum upp á, at korona fer at ganga hvørt ár, akkurát sum influensa

Nú skulu vit vænta, at korona fer ganga á hvørjum ári, akkurát sum influensa. Tað sigur føroyski koppsetingarbólkurin, sum nú hevur lagt eina ætlan fyri, hvussu vit verða koppsett í heyst og í vetur.

 

Tað merkir, at vit mugu rokna við, at smittan kyknar upp aftur í heyst og í vetur. Tí fáa øll, sum eru 50 ár og eldri, umframt tey, sum eru í vandabólki, nú tilboð um endurkoppseting. Tað er tað tey kalla ein booster-vaksinatión.

 

Málið við koppsetingini í heyst er at byrgja fyri álvarsomum sjúkum, innleggingum og deyða. Í Føroyum fylgja vit tilmælunum frá danska heilsustýrinum, sum mælir til, at tað eru hesir báðir bólkarnir, sum eiga at fáa tilboð um at verða endurkoppsett fyri koronu nú í heyst

 

Hesi fáa tilboð um endurkoppseting (booster-vaksinatión) heystið og veturin 2022-23

 

##med2##

 

Framvegis verður eisini eitt tilboð til fólk yngri enn 50 ár, sum eru í vandabólki, eitt nú fólk við nógv skerdari órinsverju, sum lækni hevur mett fara at fáa gagn av koppsetingini.

 

Frameftir fer koppsetingin fram á apotekunum og hjá kommunulæknunum og tað ber til at bíleggja tíð á korona.fo. Koppseting fer eisini fram hjá kommunulækna og tað ber til at bíleggja tíð til koppseting við at venda sær til kommunulæknaviðtaluna.

 

Men harafturat hava øll yvir 18 ár eisini framvegis tilboð um 1., 2. og 3. prik fyri koronu. Tey yvir 18 ár, sum enn ikki eru koppsett, hava sostatt framvegis møguleikan at verða koppsett.

 

Danska Heilsustýrið mælir framvegis til, at fólk, sum als ikki eru koppsett, verða koppsett við 1., 2. og 3. prikið, sjálvt um tey eisini eru yngri enn 50 ár, tí har kann vera ein ávísur vandi fyri ringari sjúku hjá teimum, sum ikki eru koppsett.

 

Vandin fyri álvarsligari sjúkugongd av koronu er størri, tess eldri tú ert, tí verða tað helst fólk frá umleið 40 árum, sum fara at fáa størsta gagn av at verða koppsett. Men yngri fólk kunnu eisini fáa gagn av tí, og serliga um tey hava vansar sum t.d. varandi sjúku, ovurfiti, og annað.

 

Í talvuni niðan fyri sæst, hvørji tey eru, sum eru í vandabólki

 

##med3##

 

Børn og ung fáa ógvuliga sjáldan illa sjúk av omikron-variantinum av koronu, og tí fáa børnini ikki longur tilboð um at verða koppsett, men metir læknin at tey eiga at lata seg koppseta, kunnu tey verða tað.

 

Fylgt verður alla tíðina við gongdini, hvussu farsóttin háttar sær, og kann so statt broyta ætlanirnar, skuldi tørvur verið á tí, sigur koppsetingarbólkurin.