Edvard Joensen
Bumbað varð í øllum Jugoslavia mikukvøldið. Sky News tíðindamaðurin í
høvuðstaðnum í Montenegro segði um hálvgum níggjutíðina mikukvøldið, at
einar seks, átta krússara rakettir høvdu rakt flogvøllin í býnum. Samstundis
vórðu brestir at hoyra í fleiri býum víða um í Jugoslavia. Bæði í Pristina í
Kosovo fyri sunnan og Novi Sad fyri norðan, siga tíðindastovurnar frá
bumbubrestum. Sambært tí, sum enn er frætt, eru tað flogstøðir, flotastøðir
og onnur hernaðarmál, sum bumbað eru.
Jugoslaviski forsetin, Milosovic, heitti á fólk um at verja landið móti
Nato álopunum. Og verjumálaráðharrin sigur, at Jugoslavia tilskilar sær rætt
at verja seg.
»Allir jugoslavar eru nú í kríggi móti fíggindum okkara.«
Klokkan 20.40 váttaði tíðindamaðurin hjá Sky News, at eldslogarnir, sum
sæddir vórðu úr Beograd, stavaðu frá eini bumbaðari flogstøð beint uttan
fyri sjálvan høvuðsstaðin.
Russar hava fordømt álopini, men eingin roknar við, at teir gera meira.
