Seinsummardagurin á Sandi í dag byrjaði stundisliga klokkan 10 í morgun við stórum og ókeypis morgunmatarborði, og klokkan 10 lótu eisini ókeypis hoppiborgir upp, umframt boing-bóltar á FIFA-vøllinum.
Listasavnið hevur verið opið, og frá á middegi í dag hevur eisini verið høvi at royna 7D-biograf. Túrar eru gjørdir kring um í bygdini, eitt nú í Todnesi, Klettafjósið og í býlinginum í Koytu.
Forvitnisligt sølutorg við lokalum matvørum er nú í tímunum frá klokkan 12-15, og frá á middegi og heilt til midnátt hevur ungmannafelagið Virkið sølubás við mati og drekka.
Veltan hevur opið hús í dag frá klokkan 14.30 til 15.30, og nú klokkan 15 fer Jákup Reinert Hansen at halda fyrilestur í Sands kirkju um kristindómurin fyri 1000 árum síðan.
Bæði klokkan 15 og 16 verður filmsýning í Virkinum, og klokkan 15 fara bæði Marine Harvest, MBM og Føroya Bjór eisini at bjóða ókeypis smakkiroyndir.
Ókeypis barnatiltak verður í tjaldinum við BUBU klokkan 17, og klokkan 18 fara Ørvaroddar at grilla búffar og grís.
Stórt og ókeypis konserttiltak verður í tjaldinum frá klokkan 19-23, og í kvøld verður góður dansur í ungmannafelagshúsinum Virkinum, og her verður dansað til klokkan 04 sunnumorgunin.
