Fólkini, sum taka lut í ófriðinum, sum eru í fleiri støðum í Onglandi, fara at angra tað.
Soleiðis ljóðar tað í dagfrá bretska forsætisráðharranum, Keir Starmer, í Downing Street. Tað skriva BBC og Sky News.
Við journalistar sigur forsætisráðharrin, at tey, sum eru við, fara at kenna "lógarinnar megi".
- Tú fert at angra, at tú hevur luttikið í hesum, sigur Keir Starmer.
Ófriðurin byrjaði, eftir at ein 17 ára gamal drongur drap tríggjar gentur og stakk tíggju aðrar á einum dansitiltaki hjá Taylor Swift í Southport, norðan fyri Liverpool, mánadagin.
Eftir álopið vóru søgur um, at gerningsmaðurin var muslimur og friðskjólsøkjari, sum júst var komin til landið úr Sýria.
Fremst í ófriðinum er høgravendi ekstremistiski felagsskapurin English Defense League. Tað hevur sett í verk eitt harðskapsátak í fleiri býum, sum er móti muslimskum borgarum.
Ófriðurin hevur verið lýstur á netinum undir slagorðinum "nokk er nokk".
##med2##
- Fólk í hesum landinum hava rætt til at vera trygg, og tó hava vit sæð muslimsk samfeløg og moskur verða álopin, sigur Keir Starmer.
Hann sigur eisini, at "henda harðliga atferðin umboðar ikki hetta landið" og tey verða ákærd.
/ritzau/
