Seinnapartin klokkan 15 fær Óli Mittún eina risastóra uppliving. Hann og liðfelagarnir í GOG skulu spæla steypahálvfinalu í FINAL FOUR í Boxen í Herning.
Tað verður tó ein harður arbeiðssetningur. Mótstøðuliðið er Aalborg, ið higartil hevur vunnið 20 av 20 dystum í bestu donsku hondbóltsdeildini.
Aalborg hevur eisini eina stóra favorittstøðu undan dystinum. Men Óli og liðfelagarnir fara eftir sínum møguleika.
Hondbóltsáhugaðir føroyingar kunnu síggja dystin á danska TV2, og á TV2 Play.
Klokkan 12.30 møtast Sønderjyske og Ringsted í hinari hálvfinaluni, ið eisini sæst á TV2.
Steypafinalan verður leikt í somu høll í morgin klokkan 15.
