– Eg vil hava, at tann korruptión, sum eg upplivdi, tá eg sat í stýrinum fyri Vinnuframagrunnin, skal koma fram í ljósið.
Tað sigur Suni á Dalbø, fyrrverandi stýrislimur í Vinnuframagrunninum, sum nú er innkallaður sum vitni av SØIK, sum er Statsadvokaten for særlig Økonomisk og International Kriminalitet
Málið snýr seg um, at Suni á Dalbø hevur melda Kaj Leo Holm Johannesen, løgmann og Johan Dahl, Vinnumálaráðharra í sambabdi við mál um korruptión í Vinnuframagrunninum í 2009. Suni á Dalbø skal vitna hjá SØIK í Keypmannahavn 25. oktober klokkan 11.
– Eg vil hava, at tann korruptión, sum eg upplivdi, tá eg sat í stýrinum fyri Vinnuframagrunnin, skal koma fram í ljósið, og at fólk skulu sleppa at forklára seg fyri rættinum. Eisini má staðfestast, um Føroyar er eitt rættarsamfelag, har ábyrgdin hjá landstýrismonnum og løgmanni kann og skal takast í álvara, sigur Suni á Dalbø í stuttari viðmerking.
