Teir fáa ikki afturhald í Klaksvík.
Tað er ikki so langt síðan at Norðoyastevna var og nú Klaksvíkin heldur 90 ára føðingardagin, er skráin næstan eins fjølbroytt og á Norðoyastevnu.
Um dagarnar hava teir skipað fyri tónleikadøgum í frálíka mentunnarhúsinum Atlantis.
Húsið, sum fyrr hýsti nógvum stóð meiri ella minni uttan nakran góðan í nøkur ár, men tað er av røttum raknað við aftur seinastu tíðina.
Í sambandi við føðingardagin hava fleiri tiltøk verið í Atlantis og enn fleiri eru á veg.
Í kvøld klokkan 20 er rhytmiskur tónleikur á skránni.
Skráin er sera fjølbroytt við tónleiki frá 60-, 70-, 80- og 90-unum.
Og verða bólkarnir nevndir, so eru teir allir kendir.
Klaksvíkingar hava altíð verði sera virknir á tónleikaøkinum og ikki so fáar landaplágur hava verði at hoyrt frá bólkum úr Klaksvík.
Dynamitt, Frændir og Millum Frændir hava allir verði at hoyrt javnan í útvarpinum.
Og bæði Dynamitt og Millum Frændir fara á pallin í Atlantis í kvøld.
Umframt hesar báðar fara eisini Aria, sum heldur ikki er heilt ókendur og Jógvan Andrias Joensen eisini á pallin.
Og við omanfyristandandi bólkum á pallinum, so skuldi verði lagt upp til eitt bæði spennandi og undirhaldandi kvøld í Atlantis í kvøld.
Sunnudagin halda tónleikadagarnir í Atlantis fram. Klokkan 20 sunnukvøldið verður eitt tiltak við gospeltónleiki.
Tá fara gospelbólkurin I am og Torkil Mørkøre at spæla.
I am er kendur gospelbólkur, sum ikki smæðist fyri at vísa síni evnir. Seinast teir vóru frammi var á Ólavsøkukonsertini í Kommunuskúlagarðinum og teir fingu sera góð ummæli fyri sína framførslu, sum annars víkir frá tí, sum vanligt er á Ólavsøkukonsertini.
Torkil Mørkøre, sum spælir keyboard, fer ikki einsamallur á pallin. Afturat sær hevur hann Kjell Andreasen, sum spælir bass, Mikkjal Hvannastein, sum spælir guitar, Sámal Joensen við trummurnar, Kristian Hansen, akustiskan guitar og Pætur við Keldu, eisini á keyboard.
