Tað var fríggjakvøldið, at fleiri tingfólk, sum høvdu atkvøtt fyri lógini um fosturtøku hósdagin, fingu hóttanarboð sendandi umvegis sosialar miðlar og sms.
»It is just to kill a child murderer«, stóð skriva í boðunum til onkran teirra. Tað kann týðast til: »Tað er bara at drepa ein barnadrápsmann«.
Løgreglan hevur havt fund um málið í morgun og skriva til nú til miðlarnar, at tey arbeiða víðari við málinum.
– Føroya Politi hevur fingið fleiri fráboðanir um vikuskiftið, har løgtingslimir á sosialum miðlum og umvegis telefon hava fingið boð, sum kunnu skiljast hóttandi.
– Vit eru í ferð við at kanna fráboðanirnar nærri. Fyri ikki at ávirka kanningararbeiðið hava vit ikki fleiri viðmerkingar til málið í løtuni, skrivar løgreglan.
